Liquica, 17 Fevereiro 2011
Presidente Conselho Joventude Timor Leste Leovigildo da Costa Hornai hateten lia hira neé iha Cogresu Joventude distrito Liquica ho ojetivu atu hatur no reafirma eksistencia, ligitimidade nudar organ mahon hodi Luta no defende interece foin sa’e no proativu iha prosesu Dezemvolvementu Lokal ho Nacional atu hametin Strutura Organizasaun Joventude iha baze. Joventude tenki hases An husi Organizasaun Masa partidu politiku no tenki hamrik independete ho imparsialidade hodi kontrola situasaun nebe horas neé mosu iha baze. Presidente Conselho Nacional Joventude de Timor Leste ejiji ba Joventude sira tenki iha komitmentu atu halaó atividade ho responsabilidade, akontabilidade no transparancia nunée bele garante lejitimidade dirigente Joventude nian .
Tempu hansan Secretariu Estadu Joventude Desportu, Miguel Manetelu fo sai katak nudar Joventude future nasaun, tenki haketak interece privadu no la bele involve iha grupu partidu politik tanba Joventude iha esperito no nasionalismu ida nebe bot hodi compete iha professionalimu liu husi formasaun ida nebe saudavel.
Oportunidade neé Presidente Comisaun Anti Corupsaun Aderito de Jesus hateten katak Joventude hanesan pilar importante ida atu kombate korupsaun tenki hatudo An liu husi Movimentu Nasional ida nebe forca hodi kontrola moras no kombate korupsaun nebe horas buras iha TIMOR LESTE .
Parte seluk Administrador Distritu Liquica Leonel de Jesus Carvalho husu ba Joventude atu disiplina wainhira atu sai dirijente ba organizasaun no sektores ida tanba neé husu ba Joventude Distrito Liquica tenki iha Esperito patriotismu, moral, krebilidade, no honeste ho transparancia iha wainhira sai dirigente iha Sociedade. by: HL